Якубу Коласу - 135

2017 год праходзіць пад знакам 135 -годдзя  народных беларускіх пісьменнікаў Янкі Купалы і Якуба Коласа.

Якуб Колас – гэта псеўданім. Сапраўднае імя народнага пісьменніка Беларусі – Констанцін Міхайлавіч Міцкевіч. Нарадзіўся ён 3 лістапада 1882 года ў засценку Акінчыцы (непадалёку ад Стаўбцоў, Мінскай вобласці) у сям’і малазямельнага селяніна, які служыў лесніком у князя Радзівіла. Раннія дзіцячыя гады прайшлі ў леснічоўках Ласток і Альбуць, што непадалёку ад вёскі Мікалаеўшчына.
Бацька паэта Міхаіл Казіміравіч умеў распісацца, чытаў па-польску і па-руску, а маці Ганна Юр'еўна была непісьменнай.

У Кастуся, так звалі хлопчыка бацькі, рана абудзілася прага да кнігі і граматы. Пачатковыя веды ён набыў дома з дапамогай “дырэктара” – вясковага хлопца, які меў не надта багатыя пазнанні. Потым два гады вучыўся ў народнай школе вёскі Мікалаеўшчына. Школа і кнігі прыносілі Кастусю шмат радасці. Асабліва яму падабаліся творы Івана Крылова і Мікалая Гогаля. Свае дзіцячыя гады пазней Якуб Колас апісаў у паэме “Новая зямля”. Юнаком Колас скончыў настаўніцкую семінарыю, бо з дзяцінства марыў стаць настаўнікам. Шмат гадоў настаўнічаў на Палессі, аб чым еапісаў аўтабіяграфічную трылогію “На ростанях”.

Пісаць вершы пачаў у 12 –гадовым узросце. Калі Кастусь прачытаў адзін з сваіх першых вершаў “Вясна” бацьку, той сказаў: “Добра”,-  пацалаваў сына і даў яму рубель. Якуб Колас напісаў значныя паэтычныя і празаічныя творы: паэмя “Новая зямля”, “Сымон-музыка”, аповесць “Дрыгва”, трылогію “На ростанях”, шматлікія вершы і апавяданні.

Памёр народны пісьменнік Беларусі Якуб Колас  13 жніўня 1956 года.

У Мінску ўстаноўлены помнік Якубу Коласу. У цэнтры кампазіцыі з бронзы сядзіць на камяні  сам паэт, па баках – дзед Талаш з малым Панасам і Сымон-музыка з вясковай дзяўчынай Ганнай.

У Віцебску імя Якуба Коласа носіць Нацыянальны акадэмічны драматычны тэатр.

Пытанні на замацаванне ведаў:

1.    Як звалі ў дзяцінстве Якуба Коласа?

2.    Колас –  псеўданім. Назавіце сапраўнае прозвішча класіка.

3.    З наваколлямі якой вёскі звязана дзяцінства Якуба Коласа?

4.    Куток Беларусі, з якім звязана педагагічная дзейнасць Коласа.

5.    Месца, дзе нарадзіўся Якуб Колас.

6.    Назва верша, напісанага ў 12-гадовым узросце, за які бацька даў Кастусю рубель.

7.    Творы якіх пісьменнікаў найбольш падабаліся будучаму класіку?

8.    Кім марыў стаць Якуб Колас у дзяцінстве?

Класікаў беларускай літаратуры ведаюць далёка за межамі Беларусі. Гістарычная заслуга Янкі Купалы і Якуба Коласа заключаецца перш за ўсё ў тым, што яны стварылі сапраўдныя шэдэўры нацыянальнага мастацтва і тым самым узнялі беларускую літаратуру да ўзроўню перадавых літаратур свету.

Автор блога Людмила Бусел, ноябрь 2017