Косць твая і плоць твая: аповесць/ Хведар Жычка.
– Мінск : Мастацкая літаратура, 2014. – 191 с : іл.
Не скажу,
што я не чула раней пра пісьменніка Хведара Жычку. Не вельмі шмат, але
ведала. Ёсць некалькі яго кніг вершаў у фондзе. А тут трапіла на вочы яго кніга
“Косць твая і плоць твая”. Паступіла да нас яна раней, але нейк так выйшла,
што засталася без увагі чытачоў. Асобнай кнігай аповесць «Косць твая
і плоць твая» выдадзена ў 2014 годзе.
Як заўсёды, пагартала, пачытала выбарачна і
зразумела, што кніга добрая. Чытаецца лёгка. Здаецца тыя падзеі маглі адбыцца і
ў нашай вёсцы, і ў любой іншай.
Звычайная беларуская
вёска. Пачалася Вялікая Айчынная вайна. Людзям трэба была рашаць, як жыць: ісці
ў паліцыю служыць? ці дапамагаць партызанам? Выбар ёсць заўсёды. Сын паважанага
калгасніка, перадавіка, які касіў ў калгасе
па гэктару сена, запісаўся ў паліцыю. Як бацькам прыняць гэта? Як
глядзець людзям у вочы? Бацька спрабуе зрабіць так, каб сын перайшоў да
партызан, выканаўшы які-небудзь іхні загад. Але сыну не ўдаецца выканаць тое
заданне, і партызаны забіваюць паліцая. Бацька пахаваў сына ўпотайкі, жонцы,
якая ляжала з тыфам, нічога не сказаў. Шмат гадоў захоўвываў гэтую тайну ад
жонкі, ад аднавяскоўцаў. Потым, калі пасля вайны загінуўшых сталі пераносіць ў
агульную магілу, ён здолеў і свайго сына-паліцая выдаць за чырвонаармейца і
перахаваць з салдатамі…
Выйшла так,
што суседка, муж якой загінуў на фронце, нарадзіла ад іх сына-паліцая хлопчыка.
Знешняе падабенства не давала падставы сумневацца ў гэтым. Але ўсё складана… Няма сына, нельга прызнаць унука…
Цікавая
сюжэтная лінія пра лёс абедзьвух дачок галоўнага героя.
Чытаешь і
разумееш, што ўсё гэта было на самой справе…
Зацікавілась
біяграфіяй пісьменніка. Нарадзіўся ў суседнім з намі раёне Жлобінскім, п. Марс.
Гады жыцця 1927-2007. Добра, што кніга папала мне ў рукі. Зараз
яна ўжо не хутка займе свае месца на полцы. Чытачы ўпадабалі яе пасля маёй
рэкламы.
Пытайце гэтую кнігу ў бібліятэках.
Аўтар блога Людміла Бусел,
03.03.2018.
Комментариев нет:
Отправить комментарий