четверг, 20 февраля 2020 г.

Конкус чытальнікаў у школе


Напярададні Міжнароднага дня роднай мовы мяне запрасілі ў школу. Нагода – конкурс чытальнікаў вершаў.  Арганізатар настаўніца беларускай мовы і літаратуры Таццяна Ўладзіміраўна Дайнека. 


Удзельнікі – вучні 5-11 класаў. На дошцы былі напісаны імёны і прозвішчы паэтаў-землякоў, чые вершы чыталі  канкурсанты – Соф’я Шах, Уладзімір Шпадарук, Мікола Аўраменка, Анатоль Грачанікаў, Станіслаў Крупенька, Генадзь Говар, Мікола Старчэнка, Паўлюк Прануза і іншыя 
Заяўкі на ўдзел падалі больш за двадцаць рабят. Вершы былі  на розныя тэмы – пра мову, раздіму, маці, Вялікую Айчынную вайну, Чарнобыль, прыроду.
Журы, у склад якога запрасілі мяне, аценьвала: веданне тэксту, выразнасць мастацкага чытання, уменне трымацца на публіцы. Зразумела, непраста было выступаць перад усёй школай! Справіцца з хваляваннем, сваімі эмоцыямі, не забыць словы, усё правільна вымавіць. Здолець голасам і жэстамі данесці сэнс верша атрымалася не ва ўсіх. Але былі чытальнікі, якім апладзіравалі глядачы і нават журы. Асабіста мне  спадабалася ўсё! Але конкурс ёсць конкурс. Падведзены вынікі:
1 месцаДар’я Сілівончык
2 месцаАнгеліна Кароль
3 месцаМаргарыта Фешчанка.

Таксама было  адзначана чытанне  Ўладзіслава Караткевіча. Мабыць, хваляванне  перашкодзіла  яму раскрыць  свае магчымасці крышку паўней.
Віншуем усіх пераможцаў і удзельнікаў!
Любіце мову! Часцей размаўляйце на ёй!
Бібліятэкар сельскай бібліятэкі Л.Ф. Бусел. 20.02.2020 г.

 аг. Дуброва



Добрым знакам, што разам мы захаваем  свет і родную мову,  было сонейка, якое зазірнула гэтай раніцай ў вокны школы.  Гэтай зімой яно нас не песціла.

1 комментарий: